18 Rregulla të nevojshme mbi agjërimin
- Nuk ka gjë të keqe në shkëmbim uratash me rastin e ardhjes së muajit Ramazan.
- Përgojimi dhe bartja e fjalëve janë prej mëkateve të mëdha por nuk e prishin agjërimin.
- Ai që e kalon ditën në gjumë ndërsa natën rri i zgjuar, agjërimi i tij është i pranuar por atij i kanë kaluar mundësi të mëdha të përfitimit të shpërblimeve.
- Lejohet për gruan myslimane përdorimi i hapave që parandalojnë ciklin mujor. [Një pjesë tjetër e dijetarëve e preferojnë të kundërtën.]
- Udhëtimi në të cilin lejohet shkurtimi i namazeve dhe prishja e agjërimit është udhëtimi 80 km.
- Lejohen marrëdhëniet seksuale të bashkëshortëve gjatë udhëtimit në të cilin prishet agjërimi.
- Gruaja shtatzënë dhe gjidhënësja pos kompensimit ditë për ditë nuk ngarkohen me tjetër.
- Duhet bërë nijetin çdo ditë për agjërim. Nuk vlen nijjeti mujor. [Ka mendime të dijetarëve që e mbështesin të kundërtën.]
- Injeksionet që nuk janë ushqyese,e dhe nëse jepen në damar dhe muskuj, nuk e prishin agjërimin.
- Mjeti për frymëmarrje nuk e prish agjërimin.
- Lejohet përdorimi i kuhlit (lloj pudre) në sy si dhe i aromave të bukura (parfumeve).
- Lejohet stolisja për gruan duke qenë agjërueshëm.
- Vendosja e pikave në sy nuk e prish agjërimin.
- Nxjerrja e dhëmbit nuk e prish agjërimin por duhet patur kujdes që gjaku të mos depërtojë në brendësi (stomak) të trupit.
- Lejohet përdorimi i sapunit gjatë agjërimit.
- Lejohet përdorimi i pastës për dhëmbë, por duhet patur kujdes që të mos shkojë diç prej saj në bark.
- Lejohet që gruaja të shijojë ushqimet por assesi të përpijë atë. Duhet ta pështyjë.
- Lejohet puthja e bashkëshortes.
Burimi:
PËRFITIME NGA LIBRI ‘NURUN ALA-D-DERB’ – KAPITULLI I AGJËRIMIT
Hoxhë Sedat Islami
