LËRE NJË PJESË TË NAMAZIT PËR SHTËPINË
Transmetohet nga Xhabir bin Abdilah radijAllahu anhuma se ka thënë: I Dërguari i Allahut sal-lAllahu alejhi ue sel-lem ka thënë: “Kur ndonjëri prej jush të kryejë namazin në xhami, le të lërë një pjesë të namazit për shtëpinë, sepse Allahu i ka bërë mirësi namazit në shtëpi.”
Transmetuesi i hadithit:
Sahabiu i nderuar Xhabir bin Abdilah radijAlalhu anhu. Ai, radijAllahu anhu, udhëtoi nga Medina për në Egjipt për tek Abdullah bin Unejs për kërkimin e një hadithi të vetëm.
Hadithin e transmeton:
Imam Muslimi në “Koleksionin e haditheve autentike”.
Dobitë që përfitohen nga hadithi:
1. Falja e namazeve obligative në xhami me xhemat është obligim (vaxhib) për burrin.
2. Ligjshmëria e faljes së nafileve në shtëpi siç janë sunetet e namazeve obligative, namazi i natës, namazi i vitrit, namazi duha etj.
3. Prej namazeve nafile ka të tilla që lejohet falja e tyre në xhami siç është: namazi i festave (fitër dhe kurban bajramit) -tek ata dijetarë që nuk e shohin obligim namazin e festave-, namazi i ekplisit, falja e dy rekateve të tavafit (falen pas përfundimit të tavafit të umrës dhe haxhit), falja e dy rekateve kur kthehesh nga udhëtimi e po ashtu namazi i teravive në muajin e Ramazanit.
4. Falja e namazit vullnetar në shtëpi është prej gjërave që përftohet (arrihet) begatia dhe mirësia e shumtë si: zbritja e engjëjve, largimi i shejtanëve, është përkujtim për atë që ka harruar, fëmijët mësojnë në shtëpi formën e faljes së namazit e shumë mirësi të tjera që vetëm Allahu i di.
5. Nëse njeriu frikësohet se do harrojë faljen e suneteve kur të kthehet në shtëpi, atëherë le t’i falë në xhami.
Burimi:
burimijetes.info
Përktheu: Unejs Sheme
