DITA E GJYKIMIT
Përkujto këtë ditë të madhe që secili prej nesh do të gjykohet,
Atë ditë kur i fryhet surit, kush është ai që nuk do të frikesohet ?
Ditën kur vetëm zemra e shëndoshë të bën dobi,
Ditën kur nuk i bie në mend prindit për fëmijë.
Atë ditë njeriu ikën prej vëllait të vet,
Prej nënës dhe prej babait të vet (80:34-35)
Atë ditë Xhibrili dhe engjëjt qëndrojnë të rreshtuar,
askush nuk flet se të gjithë nga Zoti i tyre janë të turpëruar.
Atë ditë është shkatërrim për mohuesit…
Atë ditë është mjerim për përgënjeshtuesit.
Atë ditë qielli do të çahet dhe premtimi i Tij do të realizohet,
Atë ditë kur pabesimtari shumë do të pendohet !
Përkujto ditën kur gjendja shumë ashpërsohet
kur Xhehennemi i ndezur fortë atyre ju afrohet !
Çfarë do të thonë ata, a thua?
Ah, sikur të kishte qenë ajo (vdekja e parë) mbarim i amshueshëm për mua.
Ndërsa gjendja e besimtarëve si do të jetë?
Padyshim shumë e ndritur dhe e lehtë !
Atë ditë Xhenneti u afrohet atyre që Allahut i’u frikësuan,
Atyre që nuk thyen ligjet e Allahut dhe me drejtësi punuan,
Atyre që për mirësi u urdhëruan, dhe ata çfarë thanë ?
Thanë dëgjuam dhe u nënshtruam !
Atyre që në këtë dunja vetëm kënaqësinë e Allahut synuan,
Atyre që me Kur’an u frymëzuan dhe me ISLAM jetuan.
Xhennetet për ta Allahu i ka garantuar !
Vallë a do të ketë prej tyre ndonjë te dëshpëruar ?
Burimi: JETO ME ISLAM
http://www.facebook.com/JetomeISLAM
