E. Demerngen thote per Profetin Muhamed
E. Demerngem, orientalist francez, është njëri nga orientalistët më objektivë, që ka shkruar për Muhamedin a.s. Ka shkruar veprën “Biografia e Muhamedit”, “Muhamedi dhe Sunneti”, ka botuar një numër studimesh në disa revista të njohura. Ai thotë: “Mesihu a.s., në Kur’an, ka vend të ngritur. Lindja e tij nuk ishte e zakonshme, si e njerëzve të tjerë. Ai ishte i dërguari i Allahut, të cilit Zoti i foli me zë… Kur’ani e ka për qëllim Krishterimin e vërtetë kur thotë: Isa a.s., është rezultat i fjalës, që Zoti ia përcolli Merjemes dhe ai është njeri. Kur’ani e lufton doktrinën e atyre që besojnë Isain (Jezusin) për Zot… Ai nuk e lufton Krishterimin e vërtetë. Prandaj, i krishteri, duhet të jetë i kënaqur me sulmin, që Kur’ani i bën Trinitetit, i cili përbëhet nga Hyji, Jezusi dhe Maria.
Muhamedi a.s. veten e konsideronte si instrument për komunikimin e Shpalljes. Përpjekja e Muhamedit a.s., konsistonte në atë që të jetë i besueshëm, dëgjues dhe regjistrues besnik dhe thënës i pagabueshëm, i asaj që dëgjonte nga fuqia ndriçuese dhe zëri i heshtur i fjalës së amshuar në formë të kësaj botë, i fjalës së Allahut, e cila është ajka e Librit. Fjala, të cilën e ruajnë engjëjt fisnikë, në qiellin e shtatë. çdo pejgamber, duhet të ketë argument për mesazhin e tij. Secili, duhet të ketë mrekulli, me të cilën sfidon të tjerët… Dhe Kur’ani është mrekullia e vetme e Muhamedit a.s. Stili i tij, është i mrekullueshëm, fuqia e tij mahnitëse vazhdon edhe në ditët tona. Ai e ngacmon lexuesin edhe nëse ai nuk është prej adhuruesve të devotshëm.
Muhamedi a.s., e sfidoi njerëzimin dhe xhindët, nëpërmjet Kur’anit, duke kërkuar prej tyre që të sjellin një të ngjashëm me të. Kjo sfidë, është dëshmia më bindëse, për besueshmërinë e mesazhit të Muhamedit a.s.
S’ka dyshim, se çdo ajet kur’anor edhe nëse flet për ndonjë ngjarje të caktuar të jetës, gjë të cilën e bënë me saktësi të plotë, në vete, përmban nga mrekullia mendore atë, me çka e trazon shpirtin.
S’ka dyshim, se në ato ajete, ka diçka, ku duhet kërkuar fshehtësia e ndikimit dhe madhështia e suksesit. Muhamedi a.s., i cili është larg të qenit përpilues dhe sajues i Kur’anit, nganjëherë, më kot, e priste zbritjen e Shpalljes dhe mallëngjehej për të, pasi dëshironte që Engjëlli t`i vinte në mënyrë të pandërprerë.”
Burimi: ProfetiIslam.com
