Universiteti padit studentin, pse studion shumë shpejt
Ai ka marrë 60 provime për 20 muaj me nota të shkëlqyera. Por në vend që të marrë vlerësim dhe nderim, ai merr një … padi.
Kështu ka ndodhur me gjermanin Marcel Pohl, 22 vjeç, i diplomuar për ekonomi dhe menaxhim në Essen, shkruan Tema.
Shkaku i padisë është se ai mbaroi diplomën dhe masterin në 3 semestra, ndërkohë që koha e studimit duhej të ishte 11 semestra.
Tani shkolla i kërkon atij të paguajë një pjesë të tarifave të shkollimit.
Nuk të lënë të ikësh kaq shpejt. Edhe pse Pohl ka ndërprerë lidhjet me universitetin në gusht të vitit të shkuar, shkolla ku ai studioi i kërkon që të shlyejë detyrimet financiare deri në fund të vitit, diku te 3 mijë eurot.
