Vret 6 familjarë për Krishtlindje
Është kthyer në tragjedi festa e Krishtlindjes për një familje në Amerikë. Një person ka vrarë 6 familjarë të tij teksa ata po hapnin dhurata. Më pas, ka bërë vetëvrasje. Trupat e 7 personave u gjetën nga policia në shtëpinë e tyre në Grapevine, në periferi të Dallasit.
Mosha e viktimave sillet nga tinejxherë në të gjashtëdhjetat. Besohet se janë krejt nga një familje. Nuk kishte shenja se dikush kishte hyrë me dhunë në shtëpinë e tyre. Policia gjeti edhe pranga në vendin e ngjarjes. Policia tha se është e shokuar me rastin, sepse të tilla gjëra nuk ndodhnin në Grapevine, që ka vetëm 46 mijë banorë. /indeksonline/
