Hoxhë Enis Rama – Mitrovicë
Përshkrim i shkurtër:
Enis Rama: Është hoxhë i nderuar me prejardhje nga Kosova. Fakultetin e përfundoi në Universitetin Islamik të Medinës – Dega e Hadithit. Është një ndër hoxhallarët të cilët pareshtur punuan për ngritjen e çështjes së Islamit të pastër në trojet shqiptare sidomos në Kosovë. Ligjëratat e tij janë tërheqëse, të drejt për drejta dhe të argumentuara. Shquhet me modestinë dhe dijen e tij sidomos në lëmin e besimit Islam- Akides. Aktivitetin e tij vazhdon ta ushtrojë në trojet shqiptare me theks të veçantë në kryeqytetin e Kosovës – Prishtinë, përmes ligjëratave sidomos në kanalin satelitor Peace Tv në shqip.
Burimi: IslamHouse.com Shqip
Enis Rama u lind më 12 Qershor 1976 në qytetin e Mitrovicës, ku edhe e kreu shkollën fillore. Më pas morri rrugën e kërkimit të diturisë dhe e përfundoi me sukses Medresenë e Mesme ‘Alaudin’ në kryeqytet. Por, ambicjet e tij drejt përvetësimit të diturisë fetare nuk mjaftuan me kaq. Kërkoi që të përsoste mësimin gjuhës arabe në një nga universitetet e Amanit në Jordani. Ku përveç tjerash këtu pati nderin ta takojë edhe një nga kolosët e dijes të cilët jetuan në kohërat tona. Dijetarin me origjinë nga Shkodra, Muhamed Nasuridin Albanin.
Duke e ndjekur shembullin e këtij dhe shumë dijetarëve e hoxhallarëve të tjerë, vazhdoi rrugën e kërkimin e diturisë, për tu ndalur në stacionin e radhës – Universitetin Islamik në Medinë, në degën e hadithit. Ku normalisht se nuk u kënaq vetëm me studimet e marra vetëm nga Universiteti, por kërkonte çdo ligjëratë që mbahej nga dijetarët e mëdhenj.
Në vitin 2006 i përfundoi studimet posdiplomike në Universitetin e Hapur Amerikan në Kajro të Egjiptit në degën Bazat e fesë (‘Usulud -Din’).
Me t’u kthyer në Kosovë e filloi punën e tij intensive për thirrjen e njerëzve në fenë e Zotit, punë kjo që po vazhdon pa reshtur tashmë për disa vite. Hoxhë Enis Rama jeton dhe vepron në Mitrovicë, ku edhe mban ligjerata të rregullta javore. Ai po ashtu njihet edhe për ligjeratat e rregullta në Prishtinë, ku marrin pjesë jo vetëm muslimanët e kryeqytetit. Ai veçanërisht shquhet për kuptimet e thella të teksteve sheriatike dhe për ligjëratat e tij mbi shërimin e zemrave dhe kredon Islame.
Poashtu, ai është recenzent i disa prej librave të përkthyera në gjuhën shqipe.
Burimi: Qsi-Ks.com
